Poslovne vijesti - Makedonija

Новиот Фолксваген Калифорнија пристигна и во Македонија!

Генералниот импортер за Фолксваген комерцијални возила - Порше Македонија го донесе во земјава моделот Фолксваген Калифорнија.

Станува збор за урбан, економичен и мултифункционален модел кој годинава прославува 25 години од своето постоење.

Од Порше Македонија велат дека тоа е автомобил за секојдневно уживање, со место за спиење за четири возрасни лица, кујна и многу повеќе, односно вистински мини дом на тркала.

- Страсни љубители на петтата генерација на Фолксваген Калифорнија се луѓе кои обожаваат долги патувања, кои сакаат спонтано да отидат во природа, да се оддалечат од градскиот метеж и таму да поминат неколку дена на незаборавен одмор. Со Фолксваген Калифорнија Т5 нема потреба од долго планирање на вашиот одмор, нема потреба од резервација во хотел, доволно е дента нешто да купите за јадење, да имате добра мисла и некаде да отпатувате. А во Македонија навистина има каде - велат од Порше Македонија.